ខេត្តព្រះសីហនុ÷ព្រឹកថ្ងៃទី៩ ខែកក្ដដា ឆ្នាំ២០២៦ រដ្ឋបាលស្រុកកំពង់សីលា បានរៀបចំពិធីដាំកូនឈើ ក្នុងបរិវេណទីប្រជុំជនឃុំកំពង់សីលា ក្នុងឱកាសពិធីរុក្ខទិវា ៩ កក្កដា ២០២៦។
ក្នុងពិធីនោះមានការអញ្ជើញចូលរួមពី លោក ដឹក ហ៊ួ ប្រធានក្រុមប្រឹក្សាស្រុក និងលោក ឆាយ សុគន្ធដា អភិបាល នៃគណៈអភិបាលស្រុកកំពង់សីលា ក្នុងនោះក៏មានការចួលរួមពីមន្ត្រីរាជការ កងកម្លាំងប្រដាប់អាវុធ អជ្ញាធរភូមិ ឃុំ លោកគ្រូ អ្នកគ្រូ និងសិស្សានុសិស្ស នៃសាលាបឋមសិក្សាហ៊ុនសែនកំពង់សិលា និងវិទ្យាល័យហ៊ុនសែនកំពង់សិលា ផងដែរ។
លោកអភិបាលស្រុកកំពង់សីលាបានឲ្យដឹងថា ពិធីរុក្ខទិវា គឺជាឱកាសដ៏មានតម្លៃក្នុងការលើកកម្ពស់ការដាំដើមឈើ ការអភិរក្សព្រៃឈើ និងការការពារបរិស្ថាន ដើមឈើមួយដើមដែលយើងដាំនៅថ្ងៃនេះ នឹងផ្តល់ម្លប់ ខ្យល់បរិសុទ្ធ ការពារប្រភពទឹក និងរួមចំណែកកាត់បន្ថយការប្រែប្រួលអាកាសធាតុនាពេលអនាគត។
លោកអភិបាលស្រុកបានបន្តទៀតថា,សូមចូលរួមដាំ និងថែរក្សាដើមឈើ ដើម្បីបន្សល់ទុកបរិស្ថានបៃតង ស្រស់ស្អាត និងប្រកបដោយចីរភាពសម្រាប់កូនចៅជំនាន់ក្រោយ “ ដាំដើមឈើមួយដើមថ្ងៃនេះ គឺជាការផ្តល់ជីវិតដល់ផែនដីនៅថ្ងៃស្អែក” ៕
